44 gün – Azərbaycan, o cümlədən dünya tarixinə qızıl rəqəmlərlə yazılmış şanlı zəfərimizin ömrüdür. Vətən müharibəsi, “Dəmir Yumruq” əməliyyatı, 2-ci Qarabağ savaşı, böyük qələbə kimi də adlandırılan bu 44 günlük şanlı zəfər tarixindən artıq iki il ötür… Çox tez keçdi iki il, lakin 44 gün bitmək bilmirdi, sanki illər, qərinələr, əsrlər çarpışırdı 44 günün içində. Dünya xəritəsində kiçik bir yeri əhatə edən Azərbaycan dövləti 44 gün ərzində dünyaya səs salaraq bütün gücünü göstərdi. O güc ki, heç bir beynəlxalq təşkilat tərəfindən, heç bir bəyanat və danışıqlar nəticəsində həll yolunu tapa bilməyən gerçəklər bu 44 günün tamamında öz həqiqətlərini dünya birliyinə hayqırdı. Məgər necə güclü, necə qüdrətli dövlətimiz var imiş, necə əzmkar, necə vətənpərvər, mərd ürəkli, igid xalqımız var imiş, sözlərdə deyil əməllərdə gördük və bir daha əmin olduq. Torpaqlarımızdan ayrı qaldığımız 30 ilin kini, nifrəti, nisgili, ağrısı-acısı vulkan olub 44 gündə püskürdü və bu vulkandan çıxan od-alov düşməni yandırdı. Düzdür, itkilərimiz də oldu, qazilərimiz də. Təbii ki, heç bir qələbə itkisiz olmur. Qazilərimiz isə belə gözəl qələbə sevincini Azərbaycan xalqına yaşatdıqlarına görə tarixin səhifələrinə qızıl hərflərlə düşdülər.
Belə Vətən müharibəsində iştirak edən qazilərimizdən biri də Məmmədov Bəxtiyar Fəxrəddin oğludur. O, keçdiyi döyüş yolunu belə xatırlayır.
-İkinci Qarabağ müharibəsi tarixdə Azərbaycanın şanlı qələbəsi kimi yadda qalacaq. Artıq dərsliklərdə torpaqlarımızın işğaldan azad olunması tarixləri də öyrədiləcək. Lakin qan yaddaşımızı da unutmaq olmaz. Torpaqlarımızın işğal tarixi də qələbə tarixi də gələcək nəsillərə öyrədilməli, bu zəfərin neçə-neçə oğuların qanı ilə yazıldığı aşılanmalıdır. Çünki tarixi unutmamalıyıq, əgər tarixi unutmuş olsaydıq zəfər də çala bilməzdik. Torpaq – uğrunda ölən varsa Vətəndir. Acı da olsa gerçək budur ki, heç bir qələbə qansız tarixə yazılmır. Ali Baş Komandan İlham Əliyevin də dediyi kimi, “biz bu müharibəni şəhidlərimizin canı-qanı bahasına, hərbçilərimizin rəşadəti hesabına, dövlətimizin siyasəti hesabına qazanmışıq. Bu gün bütün düyna gördü ki,Azərbaycanın gücü nədən ibarətdir. 44 gündə əldə edilmiş qələbə hərbçilərimizin peşəkarlığı və qəhrəmanlığı hesabına qazanılıb.”
Qələbəmizin qəhrəmanlarından olan, igid qazimizin bu günlərdə nişan mərasimi baş tutdu. Bu münasibətlə biz hərbiçi qazimizi ürəkdən təbrik edir, ona ailə səadəti arzulayırıq. TƏK BİR KƏLMƏYLƏ BU YAZIMA NÖQTƏ QOYMAQ İSTƏYİRƏM: QƏLƏBƏNİ BİZƏ YAŞADANLAR, ALLAH DAİM SİZİ VAR ELƏSİN!
Süsən Hüseynova,
"AY MEDİA COMPANY"
Belə Vətən müharibəsində iştirak edən qazilərimizdən biri də Məmmədov Bəxtiyar Fəxrəddin oğludur. O, keçdiyi döyüş yolunu belə xatırlayır.
-İkinci Qarabağ müharibəsi tarixdə Azərbaycanın şanlı qələbəsi kimi yadda qalacaq. Artıq dərsliklərdə torpaqlarımızın işğaldan azad olunması tarixləri də öyrədiləcək. Lakin qan yaddaşımızı da unutmaq olmaz. Torpaqlarımızın işğal tarixi də qələbə tarixi də gələcək nəsillərə öyrədilməli, bu zəfərin neçə-neçə oğuların qanı ilə yazıldığı aşılanmalıdır. Çünki tarixi unutmamalıyıq, əgər tarixi unutmuş olsaydıq zəfər də çala bilməzdik. Torpaq – uğrunda ölən varsa Vətəndir. Acı da olsa gerçək budur ki, heç bir qələbə qansız tarixə yazılmır. Ali Baş Komandan İlham Əliyevin də dediyi kimi, “biz bu müharibəni şəhidlərimizin canı-qanı bahasına, hərbçilərimizin rəşadəti hesabına, dövlətimizin siyasəti hesabına qazanmışıq. Bu gün bütün düyna gördü ki,Azərbaycanın gücü nədən ibarətdir. 44 gündə əldə edilmiş qələbə hərbçilərimizin peşəkarlığı və qəhrəmanlığı hesabına qazanılıb.”
Qələbəmizin qəhrəmanlarından olan, igid qazimizin bu günlərdə nişan mərasimi baş tutdu. Bu münasibətlə biz hərbiçi qazimizi ürəkdən təbrik edir, ona ailə səadəti arzulayırıq. TƏK BİR KƏLMƏYLƏ BU YAZIMA NÖQTƏ QOYMAQ İSTƏYİRƏM: QƏLƏBƏNİ BİZƏ YAŞADANLAR, ALLAH DAİM SİZİ VAR ELƏSİN!
Süsən Hüseynova,
"AY MEDİA COMPANY"
