BMT Baş Assambleyasının 81-ci sessiyasının sədri Xəlilür Rəhman Nyu-Yorkda Azərbaycanın Milli Məclisinin sədri Sahibə Qafarova ilə görüşüb.
Bu barədə Rəhman "X" sosial şəbəkəsindəki hesabında paylaşım edib.
Görüş zamanı tərəflər BMT Baş Assambleyası və Milli Məclis arasında qarşılıqlı əlaqələrin gələcək inkişafı məsələlərini, eləcə də qarşılıqlı maraq doğuran digər mövzuları nəzərdən keçiriblər.
"Azərbaycan Respublikası Milli Məclisinin sədri Sahibə Qafarova ilə görüşməkdən məmnun oldum. Görüş zamanı biz BMT Baş Assambleyası və Milli Məclis, eləcə də dünya ölkələrinin parlamentləri arasında əməkdaşlığın möhkəmləndirilməsi yollarını müzakirə etdik. Bundan əlavə, qarşılıqlı maraq doğuran geniş spektrli məsələlər ətrafında fikir mübadiləsi aparıldı", - BMT Baş Assambleyasının 81-ci sessiyasının sədri bildirib.
